ຄຳເຕືອນຄວາມສ່ຽງ

ການເທຣດຟໍເຣັກ ຄຳ CFD ແລະ ຊັບສິນທີ່ໃຊ້ມາຈິ້ນ ມີຄວາມສ່ຽງສູງ ແລະ ອາດບໍ່ເໝາະກັບທຸກຄົນ. ກະລຸນາອ່ານໜ້ານີ້ໃຫ້ຈົບກ່ອນເລີ່ມເທຣດດ້ວຍເງິນແທ້.

ທ່ານອາດເສຍເງິນໄດ້ໄວກວ່າທີ່ຄິດ

Leverage ຂະຫຍາຍທັງກຳໄລ ແລະ ຂາດທຶນ ໃຊ້ Leverage 1:100 ລາຄາຂະຫຍັບສວນທາງພຽງ 1% ກໍເສຍເງິນ 100% ຂອງມາຈິ້ນທີ່ວາງໄວ້ໃນອໍເດີນັ້ນໄດ້
ຜູ້ເທຣດລາຍຍ່ອຍສ່ວນຫຼາຍຂາດທຶນ ໂບຣກເກີທີ່ຢູ່ພາຍໃຕ້ໜ່ວຍງານຄຸ້ມຄອງໃນເອີຣົບຕ້ອງເປີດເຜີຍສັດສ່ວນບັນຊີລາຍຍ່ອຍທີ່ຂາດທຶນ ແລະ ຕົວເລກທີ່ເປີດເຜີຍມັກສູງກວ່າເຄິ່ງ
ລາຄາກະໂດດໄດ້ ຊ່ວງຂ່າວແຮງ ຫຼື ຕອນເປີດຕະຫຼາດວັນຈັນ ລາຄາອາດຂ້າມ Stop Loss ໄປປິດທີ່ລາຄາຮ້າຍກວ່າທີ່ຕັ້ງໄວ້
ຕົ້ນທຶນສະສົມ ສະເປຣດ ຄ່າຄອມມິດຊັນ ແລະ ຄ່າຖືຂ້າມຄືນ (swap) ເຮັດໃຫ້ຕ້ອງເຮັດກຳໄລຫຼາຍກວ່າທີ່ເຫັນຈຶ່ງຈະຄຸ້ມ

ໃຊ້ສະເພາະເງິນທີ່ເສຍໄດ້ທັງໝົດໂດຍບໍ່ກະທົບຊີວິດປະຈຳວັນ. ຢ່າກູ້ເງິນມາເທຣດ.

ເລືອກໂບຣກເກີໃຫ້ລະວັງ

ກວດໃບອະນຸຍາດຈາກເວັບຂອງໜ່ວຍງານຄຸ້ມຄອງໂດຍກົງ ຢ່າເບິ່ງພຽງໂລໂກ້ເທິງເວັບໂບຣກເກີ
ໃບອະນຸຍາດຈາກໜ່ວຍງານຕ່າງກັນ ໃຫ້ການຄຸ້ມຄອງບໍ່ເທົ່າກັນ
ລະວັງຜູ້ທີ່ສັນຍາຜົນຕອບແທນແນ່ນອນ ຮັບເທຣດແທນ ຫຼື ຊວນໃຫ້ສົ່ງລະຫັດບັນຊີ

ກົດໝາຍໃນປະເທດຂອງທ່ານ

ໃນຫຼາຍປະເທດ ລວມທັງລາວ ແລະ ໄທ ການເທຣດກັບໂບຣກເກີຕ່າງປະເທດອາດບໍ່ໄດ້ຮັບອະນຸຍາດ ຫຼື ບໍ່ໄດ້ຮັບການຄຸ້ມຄອງຈາກໜ່ວຍງານໃນປະເທດ. ຖ້າເກີດຂໍ້ຂັດແຍ່ງ ທ່ານອາດຮຽກຮ້ອງເງິນຄືນໄດ້ຍາກ. ກະລຸນາກວດສອບກົດໝາຍທີ່ໃຊ້ກັບທ່ານກ່ອນເປີດບັນຊີ.

ກ່ຽວກັບເນື້ອຫາຂອງພວກເຮົາ

ຜົນການເທຣດໃນອະດີດ ຕົວຢ່າງໃນບົດຄວາມ ແລະ ສະຫຼຸບຕະຫຼາດ ບໍ່ໄດ້ຮັບປະກັນຜົນໃນອະນາຄົດ. ເນື້ອຫາທັງໝົດເພື່ອການສຶກສາ ບໍ່ແມ່ນຄຳແນະນຳການລົງທຶນ. ພວກເຮົາໄດ້ຮັບຄ່າແນະນຳຈາກໂບຣກເກີບາງລາຍ ເບິ່ງລາຍລະອຽດໄດ້ທີ່ ກ່ຽວກັບພວກເຮົາ.

ກ່ອນເລີ່ມເທຣດແທ້

ຝຶກກັບບັນຊີທົດລອງ (demo) ຈົນມີແຜນທີ່ເຮັດຊ້ຳໄດ້
ກຳນົດຄວາມສ່ຽງຕໍ່ອໍເດີບໍ່ເກີນ 1–2% ຂອງທຶນ ໃຊ້ ເຄື່ອງຄິດໄລ່ Lot ຊ່ວຍຄິດໄລ່
ຕັ້ງ Stop Loss ທຸກອໍເດີ
ຈົດບັນທຶກທຸກເທຣດ ເພື່ອເບິ່ງວ່າວິທີໃດໄດ້ຜົນແທ້